പരീക്ഷത്തീയതി പത്തുദിവസംമുമ്പേ അറിയിക്കും
ന്യൂഡൽഹി: കോവിഡ്-19 മഹാമാരിയുടെ പശ്ചാത്തലത്തിൽ മാറ്റിവച്ചിരിക്കുന്ന ബോർഡ് പരീക്ഷകൾ അടച്ചിടൽ കാലാവധി പൂർത്തിയായശേഷമേ നടത്തുകയുള്ളൂവെന്ന് ആവർത്തിച്ച് സി.ബി.എസ്.ഇ. പത്ത്, പന്ത്രണ്ട് ക്ലാസുകളിലെ ശേഷിക്കുന്ന പരീക്ഷകൾ സംബന്ധിച്ച് പ്രചരിക്കുന്ന വ്യാജപ്രചാരണങ്ങളിൽ വിശ്വസിക്കരുത്.
അടച്ചിടൽ അവസാനിച്ചശേഷം സ്ഥിതിഗതികൾ വിലയിരുത്തിയശേഷമായിരിക്കും പരീക്ഷ നടത്തുക. പരീക്ഷ തീയതി പത്തു ദിവസംമുമ്പേ അറിയിക്കുമെന്നും സി.ബി.എസ്.ഇ. വ്യക്തമാക്കി.
രാജ്യവ്യാപകമായി പന്ത്രണ്ടാംക്ലാസിലെ ശേഷിക്കുന്ന 12 വിഷയങ്ങളിലാണ് പരീക്ഷ നടത്തുക. പൗരത്വനിയമ ഭേദഗതിക്കെതിരേ നടന്ന സമരത്തിന്റെ പശ്ചാത്തലത്തിൽ നേരത്തേ അടച്ച വടക്ക് കിഴക്കൻ ഡൽഹിയിലെ സ്കൂളുകളിലെ പത്ത്, പന്ത്രണ്ട് ക്ലാസുകളിലെ വിദ്യാർഥികൾക്ക് 29 വിഷയങ്ങളിലാണ് പരീക്ഷ.
ഈ സ്കൂളുകളിലെ പത്താം ക്ലാസ് വിദ്യാർഥികൾക്ക് ആറു വിഷയങ്ങളിലും പന്ത്രണ്ടാം ക്ലാസ് വിദ്യാർഥികൾക്ക് 23 വിഷയങ്ങളിലുമാണ് പരീക്ഷ.
No comments:
Post a Comment