രജിസ്‌ട്രേഷൻ നാളെവരെ
:ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജി- മദ്രാസ്, ഓൺഡ്രപ്രണർഷിപ്പ് സെൽ, എജ്യുക്കേഷൻ സ്റ്റാർട്ടപ്പുമായി ചേർന്ന് 'പ്ലാൻഡമിക്' കേസ് സ്റ്റഡി മത്സരം നടത്തുന്നു.
കോവിഡ്- 19 ന്റെ പശ്ചാത്തലത്തിൽ നേരിടുന്ന വെല്ലുവിളികൾക്ക് പരിമിതികൾക്കുള്ളിൽ നിന്നുകൊണ്ട് സൃഷ്ടിപരമായ പരിഹാരങ്ങൾ നിർദേശിക്കാൻ വിദ്യാർഥികൾക്ക് മത്സരത്തിലൂടെ അവസരംലഭിക്കുന്നു.
ഏതെങ്കിലും കോളേജിൽ ഒരു അക്കാദമിക് പ്രോഗ്രാമിൽ പഠിക്കുന്നവർക്ക് പങ്കെടുക്കാം. ഒരുടീമിൽ ഒന്നുമുതൽ നാല് വിദ്യാർഥികൾ വരെ ആകാം.
https://ecell.iitm.ac.in ലെ 'പ്ലാൻഡമിക്' ലിങ്ക് വഴി മേയ് 30-നകം രജിസ്റ്റർ ചെയ്യണം. പ്രോബ്ലം സ്റ്റേറ്റ്‌മെന്റ് മേയ് 31-ന് രാത്രി 11.59-ന് പ്രഖ്യാപിക്കും. രജിസ്റ്റർ ചെയ്തവരുടെ ഇ-മെയിൽ വിലാസത്തിലേക്ക് കേസ് സ്റ്റഡി ലഭ്യമാക്കും. അത് പൂർത്തിയാക്കി നൽകേണ്ടതിനുള്ള മാർഗനിർദേശങ്ങളും ഒപ്പം നൽകും.
മത്സരാർഥിയുടെ ആശയങ്ങൾ, നിരീക്ഷണങ്ങൾ, എന്നിവയുടെ അടിസ്ഥാനത്തിൽ കേസ് സ്റ്റഡി പൂർത്തിയാക്കണം. ജൂൺ 10 രാത്രി 11.59-നകം പ്രശ്‌നപരിഹാരനിർദേശം events_ecell@smail.iitm.ac.in ൽ ലഭിക്കണം.
മികച്ച എൻട്രികൾക്ക്, അച്ചീവ്‌മെന്റ് സർട്ടിഫിക്കറ്റ്, ഇന്റേൺഷിപ്പ് അവസരങ്ങൾ, യഥാർഥപ്രശ്‌നങ്ങൾക്ക് പരിഹാരം കണ്ടെത്താനുള്ള 'ഹാൻഡ്സ് ഓൺ എക്‌സ്പീരിയൻസ്' എന്നിവ ലഭിക്കും.
വിവരങ്ങൾക്ക്: 07721836932, https://ecell.iitm.ac.in/
No comments:
Post a Comment