:അവധിക്കാലം വീടുകളിൽ സൃഷ്ടിപരവും സർഗാത്മകവുമാക്കുന്നതിന് കൈറ്റ്, എസ്.സി.ഇ.ആർ.ടി.യുമായി ചേർന്ന് ‘അവധിക്കാല സന്തോഷങ്ങൾ’ എന്ന പേരിൽ വിദ്യാർഥികൾക്കായി പ്രത്യേക പഠനസംവിധാനം ഒരുക്കി. രക്ഷിതാക്കളുടെ മൊബൈൽ ഫോൺ വഴി സേവനം പ്രയോജനപ്പെടുത്താം.
samagra.kite.kerala.gov.in ലെ എജ്യുടൈൻമെന്റ് എന്ന ലിങ്ക് വഴി പഠനവിഭവങ്ങൾ ഉപയോഗിക്കാം. അഞ്ചുമുതൽ ഒൻപതുവരെ ക്ലാസുകാർക്ക് ഇതിന്റെ ഭാഗമാകാം. വിവിധ കളികളിലൂടെയും പ്രവർത്തനങ്ങളിലൂടെയും കുട്ടികൾക്ക് നിശ്ചിത ശേഷികൾ ആർജിക്കാൻ കഴിയുന്ന രൂപത്തിലാണ് തയ്യാറാക്കിയത്.
ക്ലാസ്, ടോപിക് ക്രമത്തിൽ തിരഞ്ഞെടുത്ത് ഓരോ വിഷയത്തിലെയും റിസോഴ്സുകളിലെത്താം. ഉപയോഗിച്ചശേഷം അതിനോടനുബന്ധിച്ചുള്ള വർക്ക്ഷീറ്റുകളും ക്വിസുകളും കുട്ടികൾക്ക് ചെയ്യാം. വർക്ക്ഷീറ്റുകൾ ഇന്ററാക്ടീവ്‌ ആയും ഡൗൺലോഡ് ചെയ്തും ഉപയോഗിക്കാം. സമഗ്രയിലെ ഇ-റിസോഴ്‌സ് ലിങ്ക് വഴി ഒന്നുമുതൽ 12 വരെ ക്ലാസുകളിലേക്കുള്ള ഡിജിറ്റൽ വിവരങ്ങളും ലഭിക്കും.
No comments:
Post a Comment