തിരുവനന്തപുരം: കോളേജ് ഓഫ് ആർക്കിടെക്ചർ (സ്വാശ്രയം) കോളേജിൽ 2020-21 വർഷത്തെ ബാച്ച്‌ലർ ഓഫ് ഡിസൈൻ (ബി.ഡിസ്.) കോഴ്‌സിലേക്ക് ഓൺലൈൻ അപേക്ഷ ക്ഷണിച്ചു. ഹയർ സെക്കൻഡറി പരീക്ഷയോ തത്തുല്യമായി അംഗീകരിക്കപ്പെട്ട മറ്റേതെങ്കിലും പരീക്ഷകളിലോ ആകെ 50 ശതമാനം മാർക്ക് വാങ്ങി ജയിച്ച വിദ്യാർഥികൾക്ക് അപേക്ഷിക്കാം. കൂടാതെ ആർക്കിടെക്ചർ കോഴ്‌സിനായി അഖിലേന്ത്യതലത്തിൽ നടത്തുന്ന എൻ.എ.ടി.എ. പരീക്ഷയോ യു.സി.ഇ.ഇ.ഡി./എൻ.ഐ.ഡി. എന്നീ പ്രവേശന പരീക്ഷകളിലേതെങ്കിലും ഒന്ന് വിജയിച്ചിരിക്കണം. യോഗ്യതാപരീക്ഷയുടെ മാർക്കിന്റെ അടിസ്ഥാനത്തിൽ റാങ്ക് ലിസ്റ്റ് തയ്യാറാക്കും. താത്പര്യമുള്ളവർക്ക് ഫോട്ടോ, ഒപ്പ്, മറ്റ് അനുബന്ധ രേഖകൾ എന്നിവ സഹിതം 15-ന് വൈകീട്ട് 5 വരെ പ്രവേശനപരീക്ഷാ കമ്മിഷണറുടെ www.cee.kerala.gov.in എന്ന വെബ് സൈറ്റ് വഴി ഓൺലൈൻ അപേക്ഷ സമർപ്പിക്കാം. വിശദമായ വിജ്ഞാപനം വെബ്സൈറ്റിലുണ്ട്.
Courtesy Mathrbhoomi
No comments:
Post a Comment