ഇന്ത്യയിലെ സ്ഥാപനങ്ങളിൽ ഗവേഷണം നടത്തുന്നവർക്ക് യു. എസി.ലെ മുൻനിരസ്ഥാപനങ്ങളിൽ ആറുമാസംമുതൽ ഒമ്പതുമാസംവരെയുള്ള ഗവേഷണത്തിന് അവസരം.
യുണൈറ്റഡ് സ്റ്റേറ്റ്സ്-ഇന്ത്യ എജ്യുക്കേഷണൽ ഫൗണ്ടേഷൻ (യു.എസ്.ഐ.ഇ.എഫ്.) ആണ് 2021 ഓഗസ്റ്റ്/സെപ്തംബർ മാസത്തിൽ തുടങ്ങുന്ന ഫുൾ ബ്രൈറ്റ്-നെഹ്റു ഡോക്ടറൽ റിസർച്ച് ഫെലോഷിപ്പിന് അപേക്ഷ ക്ഷണിച്ചിരിക്കുന്നത്.
വിസ സപ്പോർട്ട്, പ്രതിമാസ സ്റ്റൈപ്പൻഡ്, എയർ ട്രാവൽ ഉൾപ്പെടെയുള്ള വിവിധ ആനുകൂല്യങ്ങൾ അടങ്ങുന്നതാണ് ഫെലോഷിപ്പ്. യു.എസിലെ ഒരു ഗവേഷണസ്ഥാപനവുമായി വിശിഷ്ടാംഗത്തെ അഫിലിയേറ്റ് ചെയ്യും. ഗവേഷകന് സ്ഥാപനം മുൻകൂട്ടി കണ്ടെത്താം. ഇതിനകം അത്‌ കണ്ടെത്തിയവർക്ക് ആ വിവരം അപേക്ഷയിൽ ഉൾപ്പെടുത്താം.
ഗവേഷണമേഖലകൾ
അഗ്രിക്കൾച്ചറൽ സയൻസസ്, ആന്ത്രോപ്പോളജി, ബയോഎൻജിനിയറിങ്, ക്ലൈമറ്റ് ചേഞ്ച് സയൻസ്, കംപ്യൂട്ടർ സയൻസ്, ഇക്കണോമിക്സ്, എജ്യുക്കേഷൻ പോളിസി ആൻഡ് പ്ലാനിങ്, എനർജി സ്റ്റഡീസ്, ഹിസ്റ്ററി, ഇന്റർനാഷണൽ ലോ, ഇന്റർനാഷണൽ സെക്യൂരിറ്റി ആൻഡ് സ്ട്രാറ്റജിക് സ്റ്റഡീസ്, മെറ്റീരിയൽസ് സയൻസ്, മാത്തമാറ്റിക്കൽ സയൻസസ്, ന്യൂറോ സയൻസസ്, പെർഫോമിങ് ആർട്സ്, ഫിസിക്കൽ സയൻസസ്, പബ്ലിക് ഹെൽത്ത്, പബ്ലിക് പോളിസി, സോഷ്യോളജി, അർബൻ ആൻഡ് റീജ്യണൽ പ്ലാനിങ്, വിഷ്വൽ ആർട്സ്, വിമൻസ് ആൻഡ് ജൻഡർ സ്റ്റഡീസ്.
ഈ മേഖലകളിലൊന്നിൽ 2019 സെപ്തംബർ ഒന്നിനകം ഇന്ത്യയിലെ ഒരു ഗവേഷണകേന്ദ്രത്തിൽ പിഎച്ച്.ഡി.ക്ക് രജിസ്റ്റർചെയ്തവർക്ക് അപേക്ഷിക്കാം. ജോലിയുള്ളവർ നിശ്ചിതമാതൃകയിൽ തൊഴിൽദാതാവിന്റെ അനുമതിപത്രം നൽകണം. പ്രസിദ്ധീകരിച്ച/ അവതരിപ്പിച്ച പേപ്പറുകൾ/സംഗ്രഹം, പിഎച്ച്.ഡി. സൂപ്പർവൈസറുടെ റെക്കമൻഡേഷൻ ലെറ്റർ തുടങ്ങിയവ അപേക്ഷയുടെ ഭാഗമാക്കണം.
അപേക്ഷ https://apply.iie.org/ffsp2021 വഴി ജൂലായ് 15 വരെ നൽകാം.
വിവരങ്ങൾക്ക്: www.usief.org.in
ഡോ. എസ്. രാജൂകൃഷ്ണൻ
No comments:
Post a Comment