കേന്ദ്ര പോലീസ് സേനകളിലെ 1564 സബ് ഇൻസ്പെക്ടർ തസ്തികകളിലേക്ക് സ്റ്റാഫ് സെലക്‌ഷൻ കമ്മിഷൻ അപേക്ഷ ക്ഷണിച്ചു. സെൻട്രൽ ആംഡ് പോലീസ് ഫോഴ്സുകളിൽ 1395 ഒഴിവും ഡൽഹി പോലീസിൽ 169 ഒഴിവുമാണുള്ളത്. പുരുഷന്മാർക്കും വനിതകൾക്കും അവസരമുണ്ട്.
യോഗ്യത
എല്ലാ തസ്തികകളിലും ബിരുദമാണ് അടിസ്ഥാന യോഗ്യത. ഡൽഹി പോലീസിലേക്ക് അപേക്ഷിക്കുന്ന പുരുഷന്മാർക്ക് സാധുവായ ഡ്രൈവിങ് ലൈസൻസ് (മോട്ടോർസൈക്കിൾ, കാർ) ഉണ്ടായിരിക്കണം.
ശമ്പളം
35,400-1,12,400 രൂപയാണ് ശമ്പളം. സി. ആർ.പി.എഫ്., ബി.എസ്.എഫ്., ഐ.ടി.ബി.പി., സി.ഐ.എസ്.എഫ്. എന്നിവയാണ് അപേക്ഷ ക്ഷണിച്ചിരിക്കുന്ന കേന്ദ്ര പോലീസ് സേനകൾ. ഇന്ത്യയിൽ ഏതു സ്ഥലത്തുമാവാം നിയമനം
പ്രായം
01.01.2021-ന് 20-25 വയസ്സാണ് പ്രായപരിധി (അപേക്ഷകർ 02.01.1996 - നുമുൻപോ 01.01.2001 - നുശേഷമോ ജനിച്ചവരാകരുത്). എസ്.സി., എസ്.ടി. വിഭാഗക്കാർക്ക് അഞ്ചുവർഷത്തെയും ഒ.ബി.സി. വിഭാഗക്കാർക്ക് മൂന്നുവർഷത്തെയും ഇളവുണ്ട്. വിമുക്തഭടന്മാർക്ക് നിയമാനുസൃത ഇളവ് ലഭിക്കും. ഡൽഹി പോലീസിലെ ഒഴിവുകളിൽ വിധവകൾക്കും നിയമാനുസൃതം വിവാഹമോചനം നേടിയവരിലെ പുനർവിവാഹം ചെയ്യാത്ത സ്ത്രീകൾക്കും 35 വയസ്സുവരെ അപേക്ഷിക്കാം (ഈ വിഭാഗത്തിൽപ്പെടുന്ന എസ്.സി., എസ്.ടി.ക്കാർക്ക് 40 വയസ്സുവരെയും).
ശാരീരികയോഗ്യത
ഉയരം: പുരുഷൻ-170 സെ.മീ. (എസ്.സി. വിഭാഗക്കാർക്ക് 162.5 സെ.മീ.), വനിത-157 സെ.മീ. (എസ്.ടി. വിഭാഗക്കാർക്ക് 154 സെ.മീ.). പുരുഷന്മാർക്ക് 80. സെ.മീ. നെഞ്ചളവ് (വികാസം 85 സെ.മീ.). എസ്.ടി. വിഭാഗക്കാർക്ക് 77 സെ.മീ. നെഞ്ചളവ് മതി. (വികാസം 82 സെ.മീ.).
ശാരീരിക ക്ഷമത
പുരുഷൻ: 100 മീറ്റർ ഓട്ടം-16 സെക്കൻഡ്, 1.6 കി.മീ. ഓട്ടം-6.5 മിനിറ്റ്, ലോങ് ജംപ്-3.65 മീറ്റർ, ഹൈ ജംപ്-1.2 മീറ്റർ, ഷോട്ട് പുട്ട്- 4.5 മീറ്റർ. വനിത: 100 മീറ്റർ ഓട്ടം-18 സെക്കൻഡ്, 800 മീറ്റർ ഓട്ടം-4 മിനിറ്റ്, ലോങ് ജംപ്-2.7 മീറ്റർ, ഹൈ ജംപ്-0.9 മീറ്റർ. അപേക്ഷകർക്ക് മുട്ടുതട്ട്, പരന്ന പാദം, വെരിക്കോസ് വെയിൻ, കോങ്കണ്ണ് എന്നിവ പാടില്ല. വിവരങ്ങൾക്ക്: www.ssc.nic.in
അവസാന തീയതി: ജൂലായ് 16.
No comments:
Post a Comment