: തിരുച്ചിറപ്പള്ളി ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി (ഐ.ഐ.ഐ.ടി.), പിഎച്ച്.ഡി. പ്രോഗ്രാമിലേക്ക് അപേക്ഷ ക്ഷണിച്ചു.
കംപ്യൂട്ടർ സയൻസ് ആൻഡ് എൻജിനിയറിങ്, ഇലക്‌ട്രോണിക്സ് ആൻഡ് കമ്യൂണിക്കേഷൻ എൻജിനിയറിങ്, മെക്കാനിക്കൽ എൻജിനിയറിങ്, ഫിസിക്സ്, മാത്തമാറ്റിക്സ്, ഇക്കണോമിക്സ്, ഇംഗ്ലീഷ് എന്നീ വിഷയങ്ങളിൽ ഫുൾ ടൈം/പാർട് ടൈം ഗവേഷണ അവസരമുണ്ട്. ഓരോ വിഷയത്തിലെയും സവിശേഷ മേഖലകൾ വിജ്ഞാപനത്തിൽ ഉണ്ട്.
എൻജിനിയറിങ്/ടെക്നോളജിയിൽ മാസ്റ്റേഴ്സ്/എം.എസ്. (റിസർച്ച്) ബിരുദധാരികൾ, ഗേറ്റ് സ്കോറുള്ള ബാച്ചിലർ ബിരുദധാരികൾ, 15 വർഷം വ്യവസായമേഖലയിൽ പ്രവൃർത്തിപരിചയം ഉള്ള ബാച്ചിലർ ബിരുദധാരികൾ എന്നിവർക്ക് എൻജിനിയറിങ് വിഭാഗത്തിൽ അപേക്ഷിക്കാം.
മാത്തമാറ്റിക്സ്/ഫിസിക്സ്/ഇക്കണോമിക്സ്/ഇംഗ്ലീഷ് വിഷയങ്ങളിലെ ഗവേഷണത്തിന് ബിരുദ/പി.ജി. ബിരുദധാരികൾക്ക് അപേക്ഷിക്കാം. ഫെലോഷിപ്പ് ലഭിക്കാൻ യു.ജി.സി./സി.എസ്.ഐ.ആർ./നെറ്റ് വേണം. അപേക്ഷ ജൂൺ 29 വരെ www.iiitt.ac.in വഴി നൽകാം.
No comments:
Post a Comment