:കേരള എൻജിനിയറിങ്, ഫാർമസി പ്രവേശനപരീക്ഷയ്ക്കായി അപേക്ഷിച്ചവർക്ക് തിരഞ്ഞെടുത്ത പരീക്ഷാകേന്ദ്രത്തിൽ മാറ്റംവരുത്താമെന്ന് പ്രവേശനപരീക്ഷാ കമ്മിഷണർ അറിയിച്ചു. നിലവിൽ മുംബൈ, ഡൽഹി, ദുബായ് എന്നീ പരീക്ഷാകേന്ദ്രങ്ങൾ തിരഞ്ഞെടുത്ത വിദ്യാർഥികൾക്ക് പ്രസ്തുത കേന്ദ്രങ്ങൾ തമ്മിലോ കേരളത്തിലെ കേന്ദ്രത്തിലേക്കോ മാറ്റം അനുവദിക്കും.
കേരളത്തിൽ കേന്ദ്രം തിരഞ്ഞെടുത്തവർക്ക് കേരളത്തിന് പുറത്തുള്ള പരീക്ഷാകേന്ദ്രങ്ങളിലേക്കും മാറ്റം അനുവദിക്കും. കേരളത്തിലെ വിവിധ ജില്ലകളിലെ പരീക്ഷാകേന്ദ്രം മാറ്റുന്നതിന് അവസരം ലഭിക്കില്ല. www.cee.kerala.gov.in വഴി KEAM2020 Candidate Portal മുഖേന ജൂൺ 27-ന് ഉച്ചയ്ക്ക് നാലുവരെ സമയം അനുവദിക്കും. ഫീസ് ഓൺലൈനായിമാത്രം അടയ്ക്കാൻ പിന്നീട് അവസരം നൽകും.
No comments:
Post a Comment