ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിൽ ബി.എസ്. റിസർച്ച് പ്രോഗ്രാം

26/02/2020 

പരീക്ഷത്തീയതി പുനഃക്രമീകരിച്ചു

:മാർച്ച് 16-ന് നടത്താനിരുന്ന തേർഡ് ബി.എ.എം.എസ്. ഡിഗ്രി സപ്ലിമെന്ററി (2016 സ്‌കീം) തിയറി പരീക്ഷയും 17-ന് നടത്താനിരുന്ന തേർഡ് ബി.എ.എം.എസ്. ഡിഗ്രി സപ്ലിമെന്ററി (2012 സ്‌കീം) തിയറി പരീക്ഷയും മാർച്ച് 25-ലേക്കും, 18-ന് നടത്താനിരുന്ന ഫൈനൽ ബി.എ. എം.എസ്. ഡിഗ്രി റെഗുലർ/സപ്ലിമെന്ററി (2012 സ്‌കീം) തിയറി പരീക്ഷ 26-ലേക്കും മാറ്റി പുനഃക്രമീകരിച്ചു.

പരീക്ഷാ അപേക്ഷ

: ഏപ്രിൽ ഒന്നിന് തുടങ്ങുന്ന ഫസ്റ്റ് സെമസ്റ്റർ ബി.എ.എസ്.എൽ.പി. ഡിഗ്രി റെഗുലർ/സപ്ലിമെന്ററി (2018 സ്‌കീം) പരീക്ഷയ്ക്ക് മാർച്ച് അഞ്ചുമുതൽ 16 വരെ ഓൺലൈൻ ആയി രജിസ്റ്റർ ചെയ്യാം.

: ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് (ഐ.ഐ.എസ്സി.) ബെംഗളൂരു നാലുവർഷ ബാച്ചിലർ ഓഫ് സയൻസ് (ബി.എസ്.-റിസർച്ച്) പ്രോഗ്രാമിലെ പ്രവേശനത്തിന് അപേക്ഷിക്കാം. കോർ സയൻസ് വിഷയങ്ങളുടെയും ഇന്റർ ഡിസിപ്ലിനറി വിഷയങ്ങളുടെയും സമ്മിശ്ര പഠനരീതി ബാധകമായ പ്രോഗ്രാം വിജയകരമായി പൂർത്തിയാക്കുന്നവർക്ക് ഒരു വർഷംകൂടി സ്ഥാപനത്തിൽ പഠനം നടത്തി മാസ്റ്റർ ഓഫ് സയൻസ് ബിരുദവും നേടാനുള്ള അവസരവുമുണ്ട്.

കോർ വിഷയങ്ങൾ

ബയോളജി, കെമിസ്ട്രി, ഫിസിക്സ്, എർത്ത് ആൻഡ് എൻവയോൺമെന്റൽ സയൻസ്, മെറ്റീരിയൽസ്, മാത്തമാറ്റിക്സ് എന്നിവയാണ് ലഭ്യമായ ആറു കോർ വിഷയങ്ങൾ. അവസാന രണ്ടു സെമസ്റ്ററുകൾ ഒരു ഗവേഷണ പ്രോജക്ടിനായി നീക്കിവെച്ചിരിക്കുകയാണ്.

യോഗ്യത

2019-ൽ പി.യു.സി. രണ്ടാം വർഷം/12-ാം ക്ലാസ് വിജയിക്കണം. യോഗ്യതാ കോഴ്സ് 2020-ൽ കഴിയുന്നവർക്കും അപേക്ഷിക്കാം. പ്രോഗ്രാമിൽ ഫിസിക്സ്, കെമിസ്ട്രി, മാത്തമാറ്റിക്സ് എന്നിവ മുഖ്യവിഷയമായി പഠിച്ചിരിക്കണം. ഇവയ്ക്കൊപ്പം ബയോളജി, സ്റ്റാറ്റിസ്റ്റിക്സ്, ഇലക്‌ട്രോണിക്സ്, കംപ്യൂട്ടർ സയൻസ് തുടങ്ങിയ വിഷയങ്ങൾ പഠിച്ചവർക്കും അപേക്ഷിക്കാം. യോഗ്യതാ പ്രോഗ്രാമിൽ ഫസ്റ്റ് ക്ലാസ്/60 ശതമാനം മാർക്ക്/തത്തുല്യ ഗ്രേഡ് (പട്ടിക വിഭാഗക്കാർക്ക്, പാസ് ക്ലാസ്) നേടിയിരിക്കണം.

അപേക്ഷ

www.iisc.ac.in/ug/ വഴി ഏപ്രിൽ 30 വരെ നൽകാം.

വാർഷിക ട്യൂഷൻ ഫീസ് 10,000 രൂപയാണ്.

പട്ടിക വിഭാഗക്കാരെ ട്യൂഷൻ ഫീസിൽനിന്ന്‌ ഒഴിവാക്കായിട്ടുണ്ട്.

എല്ലാവർക്കും മറ്റ് ഫീസുകൾ ഉണ്ടാകും. വിവരങ്ങൾക്ക്: www.iisc.ac.in/ug/

നാല് സ്ട്രീം വഴി പ്രവേശനം

പ്രവേശനത്തിന് പ്രത്യേകിച്ച് ഒരു പരീക്ഷ ഇല്ല. മറിച്ച് ദേശീയതലത്തിൽ നടത്തുന്ന ചില പരീക്ഷകളിലെ മികവ് പരിഗണിച്ച് നാലു സ്ട്രീമുകൾ വഴി പ്രവേശനം നൽകും.

*കെ.വി.പി.വൈ. ആണ് അതിലൊന്ന്. ഈ ഫെലോഷിപ്പ് പദ്ധതിയിലേക്ക് വിവിധ സ്ട്രീമുകളിലൂടെ തിരഞ്ഞെടുക്കപ്പെട്ടവരെ പരിഗണിക്കും. സ്ട്രീം, പരീക്ഷ അഭിമുഖീകരിച്ച വർഷം എന്നിവ ഇപ്രകാരമായിരിക്കണം: എസ്.എ. (2018-ൽ അഭിമുഖീകരിച്ചവർ), എസ്.ബി. (2019), എസ്.എക്സ്. (2019). കൂടാതെ പട്ടികവിഭാഗക്കാർക്കുള്ള എംപവർമെന്റ് ഇനിഷ്യേറ്റീവ് പദ്ധതി വഴി തിരഞ്ഞെടുക്കപ്പെട്ടവരെയും ഈ സ്ട്രീമിൽ പരിഗണിക്കും.

*2020-ൽ ജെ.ഇ.ഇ.മെയിൻ, അഡ്വാൻസ്ഡ്, നീറ്റ് യു.ജി. എന്നിവയിലൊന്ന് അഭിമുഖീകരിച്ച് അതിൽ കാറ്റഗറി അനുസരിച്ച്, നിശ്ചിത ശതമാനം മാർക്കു നേടിയവർക്ക് ബന്ധപ്പെട്ട സ്ട്രീമിൽ അപേക്ഷിക്കാം.

മാർക്ക് ശതമാനം ഇപ്രകാരമാകണം: ജനറൽ-60 ശതമാനം, ഇക്കണോമിക്കലി വീക്കർ സെക്‌ഷൻസ് (ഇ.ഡബ്ല്യു.എസ്.), ഒ.ബി.സി. (എൻ.സി.എൽ.)-54 ശതമാനം, പട്ടിക/ഭിന്നശേഷി വിഭാഗക്കാർ-30 ശതമാനം.

ഓരോ ചാനലിനും ഓരോ മെരിറ്റ് പട്ടിക തയ്യാറാക്കി സീറ്റ് ലഭ്യതയനുസരിച്ച് അലോട്ട്മെന്റ് നൽകും. ഒന്നിൽക്കൂടുതൽ ചാനലുകളിൽ ഉൾപ്പെടാൻ അർഹതയുള്ളവരെ അവയിലേക്കെല്ലാം പരിഗണിക്കും.

Courtesy Mathrbhoomi