പ്രൈമറി അധ്യാപക പരിശീലനം 14 മുതൽ
:അധ്യാപകപരിശീലനം കൈറ്റ് വിക്ടേഴ്‌സ് ചാനലിലൂടെയും ഓൺലൈനിലൂടെയും നടത്തുന്നതിന്റെ ഭാഗമായി പ്രൈമറി അധ്യാപകർക്കുള്ള പരിശീലനം 14മുതൽ ആരംഭിക്കും. എല്ലാ ദിവസവും രാവിലെ 10.30-നും ഉച്ചയ്ക്ക് 2.30-നുമാണ് പരിശീലനം തുടങ്ങുന്നത്.
അധ്യാപകർക്ക് കൈറ്റ് വിക്ടേഴ്‌സ് ചാനൽ വഴിയും www.victer.kite.kerala.gov.in, KITE VICTERS മൊബൈൽ ആപ്പ് വഴിയും പരിപാടികൾ കാണാം. പിന്നീട് കാണുന്നതിനായി കൈറ്റ് വിക്ടേഴ്‌സ് യുട്യൂബ് ചാനലിലും (www.youtube.com/itsvicters) അധ്യാപകരുടെ സമഗ്ര ലോഗിനിലും ക്ലാസുകൾ ലഭ്യമാക്കും. മുഴുവൻ അധ്യാപകരും ക്ലാസുകളിൽ പങ്കെടുക്കണമെന്ന് നിഷ്കർഷിക്കുന്ന സർക്കുലർ പൊതുവിദ്യാഭ്യാസ ഡയറക്ടർ പുറത്തിറക്കിയിട്ടുണ്ട്. സമഗ്ര പോർട്ടലിലെ ലോഗിനിൽ അധ്യാപകർ ഫീഡ്ബാക്കും സംശയങ്ങളുണ്ടെങ്കിൽ അതും രേഖപ്പെടുത്തണം.
No comments:
Post a Comment