പി.ജി.മെഡിക്കൽ/ഡെന്റൽ: രണ്ടാംറൗണ്ട് കൗൺസലിങ് നടപടികൾ ജൂൺ മൂന്നുമുതൽ
31/05/2020
:മെഡിക്കൽ കൗൺസലിങ് കമ്മിറ്റി (എം.സി.സി.) നീറ്റ് പി.ജി. അടിസ്ഥാനമാക്കി പോസ്റ്റ് ഗ്രാജുവേറ്റ് (പി.ജി.) മെഡിക്കൽ/ഡെന്റൽ കോഴ്‌സുകളിലെ ഓൾ ഇന്ത്യ ക്വാട്ട ഉൾപ്പടെ വിവിധ വിഭാഗം സീറ്റുകളിലേക്കു നടത്തുന്ന രണ്ടാംഘട്ട ഓൺലൈൻ കൗൺസലിങ്/അലോട്ട്‌മെന്റ് സമയക്രമം പ്രഖ്യാപിച്ചു.
ജൂൺ മൂന്നുമുതൽ ഒൻപതിന് രാവിലെ 10 വരെ രജിസ്‌ട്രേഷൻ അവസരം ഉണ്ടാകും. പണമടയ്ക്കാൻ ജൂൺ ഒൻപതിന് ഉച്ചയ്ക്ക് 12 മണിവരെ സൗകര്യം ലഭിക്കും. ചോയ്‌സ് ഫില്ലിങ്ങ്/ലോക്കിങ്ങ് ജൂൺ നാല് മുതൽ ഒൻപതിന് രാത്രി 11.55 വരെ നടത്താം.
അലോട്ട്‌മെന്റ് ഫലം ജൂൺ 12-ന് പ്രഖ്യാപിക്കും. പ്രവേശനം നേടാൻ ജൂൺ 18 വരെ സൗകര്യം ഉണ്ടാകും. തുടർന്ന്, ഓൾ ഇന്ത്യ ക്വാട്ടയിൽ ഒഴിവുള്ള സീറ്റുകൾ ജൂൺ 18-ന് വൈകീട്ട് ആറിന് സംസ്ഥാന ക്വാട്ടയിലേക്ക് മാറ്റും. വിവരങ്ങൾക്ക്: www.mcc.nic.in
No comments:
Post a Comment