മധുവാണി’ പ്രകാശനം ചെയ്തു
തിരുവനന്തപുരം: സംസ്‌കൃതപഠനത്തിനു കൂടുതൽ മികവ് കൈവരിക്കുക എന്ന ലക്ഷ്യത്തോടെ എസ്.സി.ഇ.ആർ.ടി. സി-ഡിറ്റിന്റെ സാങ്കേതിക സഹായത്തോടെ വികസിപ്പിച്ച ഇന്ററാക്ടീവ് ഡി.വി.ഡി. ‘മധുവാണി’ മന്ത്രി സി.രവീന്ദ്രനാഥ് പ്രകാശനം ചെയ്തു. പ്രൈമറിതലം മുതൽ സംസ്‌കൃതം പഠിക്കുന്ന വിദ്യാർഥികൾക്കും സംസ്‌കൃതം പഠിക്കാനാഗ്രഹിക്കുന്ന മറ്റുള്ളവർക്കും ഉപകാരപ്രദമാണ്. സംസ്‌കൃതപഠനം സരളവും സരസവുമാക്കുക എന്നതാണ് ഇതിന്റെ ഉദ്ദേശ്യം. അക്ഷരമാല മുതൽ വിഭക്തികൾ വരെയുള്ള സംസ്‌കൃതത്തിന്റെ ബാലപാഠങ്ങൾ അനിമേഷന്റെ സഹായത്തോടെ പഠിക്കുന്നതിന്‌ ഉപകരിക്കുന്നതാണിത്. സംസ്ഥാനത്തെ സംസ്‌കൃതം പഠിപ്പിക്കുന്ന പൊതുവിദ്യാലയങ്ങളിൽ ഡി.വി.ഡി.യും കൈപ്പുസ്തകങ്ങളും എത്തിക്കും. www.scert.kerala.gov.inൽ നിന്ന്‌ ഡൗൺലോഡ് ചെയ്യാം.
No comments:
Post a Comment